Bülbül Sonatı
بولبول سوناتی
زیبا کرباسی دان بوندان قاباق من تورکجه یازی نه گوروب اوقویوب و نه ائشیدمیشم.فارسی شعرلرینین حقینده دانیشماق چوق اولار کی یقین شعر و ادبیات بیلن لر دانیشیب یازمیشلار چوقلارجا. آما بو تورکی دیلینده یازیلان و یا یارالان شعر منیم ایلگی و دیقتیمی چوق چکدی. زیبانین تورکی دیلی یعنی تورکی یازی دیلی بوردا تبریزین دانیشیلان ایندی کی چاقداش و موعاصیر دیلی و شیوه سی دیر. بو شعرین ایچینده اولان ادبیات شیفاهی ادبیات دیر. اوشاق و گنچ قیز دیلی . گنج و اوشاق قیز دیلی آما چوق ظریف و اینجه. پریلر یازماز لار اوخورلار هپ. زیبانین دا بو آدسیز شعری سانکی پری شعری. قیرمیز بورکلو آشیق قیزین اوقوماسی و یا آرزولاری. سومر قادین لارینین شعرلری کیمی چوق ساده و چوق دیشی و قادینجا. گونولون گیزلی دیلگی و گیزه ملی اسراری. چاقداش گونئی آذربایجانین تورکی دیلینده کیتابت و یازما ادبیاتی پک آز و بلکی ده هیچ یوقدور. او بولگه نین دیلی شیفاهی و ماهنی لار کیمی دیلده دولاشان و سرگی له شن بیر ماجرادیر. دیلین شعری هر زامان ساده و یوموشاق اولار. زیبانین بو یوموشاق اروتیزمله دولو اولان شعری کیمی.اوز دئدیگی کیمی کپنگ لردن اپنک لردن باشدان دیل آچما کیمی سئوگیلی له. اپنک تبریز شیوه سینده اوشاقین دیل آچما چاغی دیر. من بو بیچیمده اولان اثرلری بولبول قوشونون اوخوماسی و دوغال اورکستر کیمین کیمی گورورم. گیزلن میش و حالا تانیلمامیش ادبیات. بویومه میش. اوشاقجاسی قالمیش. قولچاق دیلینده سونات لار.اورادا و تا اوردا قالان بیر ایچ اینله ییشی. بو سس بویومه میش. اُ هیجانیندا اوردا قالیب و پونهانی تار قاوال شن لیگینده اویناماقدا. آذربایجان افسانه لری کیمین. موجوهرله دولو گیزلی و ناز. زیبانین بو دادلی شعرینی بوردا قویوب و یئنی سس سایتین دان آلینمیش سسینه قولاق وراق
یوره کدن یگین آدین سینه مده دوگور دوگدورور منی
دوگه دوگه چاپ آتی جان لان آرتیقیم
بو سرین درین سولاردان چات منه
آت منده بوتون تکلیغی آتاق
کپنک لردن اپنک لردن باشدان دیل آچاق
قوی گلسین دوداقلارین یول لاریمدا میدان لاریمدا
قوش لارین دوؤروندن دونموش دیمدیگیندن دون آشاغا چات بالا تپه یه یاواش یاواش
یاندیران نفس لرینله اوپوش سویش منله
قالقیز منی بیر آز چیگین لریمین چاله سیندن سوتلی چای ایچ یالا خاما لاردان
یاپیش منی قالقیز
قالقدیر منی
بئلیمی ال لرینده اوجا اوجا ساقلا
بئل دن توک سولارا یاریدان منی یارالد منی باشدان
توک منده تکلیغی تکدن توک توکدور منی یازی لاردا
آچ منی بو یازیلمایان شعرلرده آچ یازدیر منی داهی باغلاما
شعریمین باقریندا اگلش ایلیش منه ایلیش اودلان دیر منی
بوتون شعرلری یاندیر بوتون یاندیر منی
هاردا اللرین ایندی ؟
Labels: Ziba Kərbasi - Bülbül Sonatı
posted by Sevda Yans at 6:52 PM
0 comments
